Televizioni italian “Agon Channel Italia”, i cili shumë shpejt starton transmetimet televizive nga Tirana po bënë përgatitjet finale për një start të suksesshëm dhe konkurues për kanalet e tjera italiane.
Në morin e figurave të njohura të ekranit italian, që tashmë i janë bashkuar stafit të “Agon Italia” është edhe show girl-a e njohur e shumë programeve në ekranet italiane, Maddalena Corvaglia. Njëkohesisht vite më parë ajo ka qenë velinë në programin “Striscia la Notizia”, një program i njohur i “Canale 5”, i ngjashëm me “Ca thu…?!” apo “Fiks Fare”.
Show girl e njohur Maddalena Corvaglia do të transferohet në Tiranë dhe mësohet se do të moderoj në “Agon Italia” një talent show. Bëhet fjalë për një reality talent, i cili do të quhet “Bodyguard”. Për këtë program janë zhvilluar edhe audicionet në çdo qytet të Italisë ku “Agon” ka zhvilluar casting edhe për programe të tjera dhe për stafin që do t’i bashkohet.
Në “Agon Italia” do të jenë edhe personazhe të tjerë të njohur të ekranit italian si, Sabrina Ferilli, Belen Rodriguez apo Pupo.
IMA / S. Dema
