Macet mund të infektohen me koronavirusin e ri por qentë duket se janë të paprekshëm, sipas një studimi të publikuar të Mërkurën, duke bërë që OBSH të thotë se do të marrë një vështrim më të afërt në transmetimin e virusit midis njerëzve dhe kafshëve shtëpiake.
Studimi, i publikuar në faqen e internetit të revistës Science, zbuloi se familja e macve mund të infektohen me SARS-CoV-2, termi shkencor për virusin që shkakton sëmundjen COVID-19.
Qentë, pulat, derrat dhe rosat nuk ka të ngjarë të mbartin virusin, zbuluan studiuesit.
Studimi kishte për qëllim të identifikonte se cilat kafshë janë të prekshme nga virusi, në mënyrë që të mund të përdoren për të testuar vaksina eksperimentale për të luftuar pandeminë COVID-19, e cila ka vrarë më shumë se 83,000 njerëz në të gjithë botën që kur u shfaq në Kinë në Dhjetor.
SARS-CoV-2 besohet se është përhapur nga lakuriqët te njerëzit. Përveç disa infeksioneve të raportuara në mace dhe qen, nuk ka prova të forta që kafshët shtëpiake mund të jenë mbartës.
Një tigër në kopshtin zoologjik Bronx në New York City, pati një kollë të thatë dhe humbje të oreksit pas kontaktit me një punonjës të infektuar testoi pozitiv për koronavirus të Dielën.
Studimi, bazuar në hulumtimin e kryer në Kinë në Janar dhe Shkurt, gjeti mace dhe kafshë të tjera brenda grupit të saj që ishin shumë ndjeshëme ndaj virusit kur studiuesit u përpoqën të infektonin kafshët duke futur grimca virale përmes hundës./InfoMedia Albania/
