Në kuader të Klubit të Filmit KinoTirana mbështetur nga Bashkia Tiranë dhe mundësuar nga Ambasada Amerikane nën partner mediatik InfoMedia Albania, do të shfaqet “Cast Away”.
Cast Away është një dramë Amerikane për mbijetesë, e drejtuar dhe bashkë-prodhuar nga Robert Zemeckis, me aktorët Tom Hanks, Helen Hunt dhe Nick Searcy. Filmi përshkruan një punonjës të FedEx-it të ngelur në një ishull të pabanuar pas rrëzimit të aeroplanit në Paqësorin e Jugut dhe përpjekjet e tij për të mbijetuar në ishull duke përdorur mbetjet e aeroplanit të tij. Larg nga shtëpia, e dashura e tij dhe çdo kontakt njerëzor, ai angazhohet në një betejë të zgjuar me veten, pasi ai testohet mentalisht, fizikisht dhe emocionalisht në mënyrë që të mbijetojë.
Disa fakte që nuk i keni ditur rreth filmit Cast Away:
- Tom Hanks nuk donte të tregonte një histori standarte rreth këtij filmi por se si mjedisi sfidon forcën fizike dhe psikologjike tek njeriu.
- Skenaristi qëndroj disa ditë i vetëm në ishull për ta bërë filmin sa më real, historinë dhe eksperiencën e mbijetesës sa më të besueshmë.
- Fedex edhe pse nuk ka pasur më parë histori aksidentesh te aeroplanve të tyre ra dakort dhe mbuloj gjithë shpenzimet e materialeve të aeroplanit në film.
- Hanks gati sa nuk vdiq në realizimin e këtij filmi, nga një incident vogël që i ndodhi në ishull.
- Hanks dhe skenaristi realizuan shumë skena për fundin e filmit dhe kthimin e Chuck në botën e vërtet.
- Hank mendon se rrëzimi i aeroplanit dhe jetesa në ishull ishte gjëja më e mirë që i ndodhi Chuck-ut.
- Cast Away frymëzoj në krijimin e serialit të njohur Lost rreth përplasjes dhe mbijetesës ne ishull të humbur.
- Topi me mbishkrimin Wilson fitoj shume para pas debutimit të filmit Cast Away.
- Pas shumë vitesh Hanks u ribashkua me topin Wilson, dikush në një ndeshje hokej i hodhi topin Tom-it.
“Cast Away” do të shfaqet ditën e sotme në orën 19.00 në Qendrën TEN në Kryeqytet ku hyrja ashtu si përherë do të jetë falas për të gjithë. Çfarë pret? Merr një shok ose shoqe (ndoshta të gjithë grupin) dhe shko në kinema!
