Pas sukseseve të njëpasnjëshme në tregun ndërkombëtar, këngëtarja shqiptare Njomza godet sërish. Ajo do të jetë pjesë e një prej festivaleve më të mëdha të muzikës në botë, Lollapalooza. Festivali gjigand, i cili mbledh artistët më të famshëm të tregut muzikor dhe jo vetëm, do të mbahet nga data 29 korrik deri më 1 gusht. Krah saj do të performojnë edhe emra si Foo Fighters, Post Malone, Miley Cyrus, Dababy, Megan Thee Stallion etj. Njomza Vitia është një nga këngëtaret më premtuese shqiptare në tregun ndërkombëtar. Ajo ka shkruar për Ariana Grande këngë si “Thank U, Next” dhe “7 Rings”, dhe u zbulua nga Mac Miller e më pas nënshkroi kontratë në kompaninë e tij muzikore Most Dope.
Lollapalooza është një festival i përvitshëm muzikor katër-ditor në Çikago, Illinois, në Grant Park, i cili u mbajt për herë të parë në vitin 1991 dhe më pas u zgjerua në vende të tjera. Në të kanë performuar më parë edhe Dua Lipa, Bebe Rexha, Gashi etj.
