Vesa dhe Kaderi, Rikthimi i Emocionueshëm në BBVK.
Në shtëpinë më të famshme në vend, “Big Brother VIP”, ka ndodhur një surprizë e këndshme për katër finalistët: pas Besart Zenelit dhe Miss Rose, kanë hyrë edhe dy ish-konkurrente të tjera, Vesa dhe Kaderi. Kjo vizitë e papritur ka zgjatur 24 orë dhe ka sjellë emocione të mëdha në shtëpi.
Gëzimi i madh për këtë rikthim ka qenë i dukshëm te të gjithë finalistët, por veçanërisht te Lumbardhi, i cili u emocionua tej mase kur pa Vesën, të dashurën e tij të krijuar brenda shtëpisë. Ai e priti atë me një puthje dhe një përqafim të ngrohtë, duke treguar ndjenjat e tij të forta ndaj saj.
Vesa dhe Lumbardhi kanë konfirmuar se dëshira e tyre është të vazhdojnë lidhjen edhe jashtë mureve të BBV, duke sfiduar parashikimet e banorëve të tjerë, të cilët në fillim ishin skeptikë ndaj romancës së tyre. Ky rikthim i ish-konkurrentëve ka shtuar një ndjenjë të re dhe emocionuese në dinamikat e shtëpisë, teksa afrohet finalja e madhe e “Big Brother VIP”.
