Këtë të diel fëmijët nga e gjithë Europa do të bëhen bashkë në Junior Eurovision Song Contest.
ADVERTISEMENT
Edicioni i 15-të këtë vit mbahet në Tbilisi të Gjeorgjisë.
Shqipëria merr pjesë për herë të katërt dhe këtë vit përfaqësohet nga Ana Kodra me këngën “Don’t touch my tree”, me muzikë të Kristi Popës dhe tekst të Jorgo Papingjit.
ADVERTISEMENT
https://www.youtube.com/watch?v=zhlLBybIyh4
Festivali do të transmetohet ditën e diel, ora 16:00 në RTSH1. Këtë vit mënyra e votimit për të shpallur fituesin ka pësuar ndryshim. Kënga fituese do të përcaktohet: 50% nga juria profesionistëve dhe 50% nga publiku i cili do të votojë online në junioreurovision.tv për 48 orë, duke filluar nga sot deri të dielën në orën 16:00, e për t’u rihapur vetëm për 15 minuta pas përfundimit të të gjitha performancave. Mund të votohet deri në pesë herë, përfshirë edhe Shqipërinë.
Edhe këtë edicion të katërt për Shqipërinë, festivali do të përcillet në komentin e Andri Xhahut, ndërsa pikët do të jepen nga Sabjana Rizvani, përfaqësuese e Shtëpisë së fëmijës “Zyber Hallulli” në Tiranë
.
Nuk na mbetet gjë tjetër veçse t’i urojmë suksese Anës në garën e këngës europiane për fëmijë! Dhe mos harroni të votoni që tani!
