Portali më i njohur i video sharing Youtube nuk është vetëm një nga platformat online ku përveçse në të shumtën e rasteve e vizitojmë për të parë projektet muzikore të këngëtarëve tanë të preferuar, por vitet e fundit për amatorët e televizionit është kthyer në alternativën më të mirë ku mund të ndjekim edhe programet tona tv. Kanalet televizive shqiptare në 5 vjeçarin e fundit janë prezente në këtë platformë me kanalet e tyre zyrtare ku mund të ndiqen disa nga programet më të mira. Por cilat janë 10 kanlet shqiptare me më shumë pajtimtarë në Youtube? InfoMedia Albania ka përzgjedhur 10 kanalet kryesore dhe më aktive në këtë platformë. Top Channel (Anëtarësuar 23 Qer. 2011) kryeson këtë klasifikim, i ndjekur nga TV Klan (Anëtarësuar 25 Shk. 2011) edhe pse ky i fundit rezulton i regjistruar më parë në këtë platformë. Në vendin e tretë gjejmë Vizion Plus (Anëtarësuar 15 Kor. 2011). Report TV është televizioni informativ me më shumë ndjekës duke lenë pas Ora News dhe ABC News. RTSH edhe në Youtube mbetet pas si një nga televizionet gjeneraliste me më pak audience duke u renditur i 7-ti midis të tjerëve. Në vazhdim lista e plotë.
1. TOP CHANNEL (194.844 Pajtimtarë)
2. TV KLAN (131.395 Pajtimtarë)
3. VIZION PLUS (68.753 Pajtimtarë)
4. REPORT TV (21.254 Pajtimtarë)
5. ORA NEWS (16.423 Pajtimtarë)
6. INTV (5.735 Pajtimtarë)
7. RTSH (5.258 Pajtimtarë)
8. ABC NEWS (5.238 Pajtimtarë)
9. NEWS 24 (5.046 Pajtimtarë)
10. CHANNEL ONE (3.506 Pajtimtarë)
5. RTSH
