Ish-banorja e “Big Brother VIP 3”, Heidi Baci, ka festuar ditëlindjen e saj të djeshme, e cila u shoqërua me urime të shumta dhe surpriza të veçanta. Në një mbrëmje të mbushur me emocione, Heidi ka ndarë me ndjekësit e saj në rrjetet sociale disa momente të veçanta, duke përfshirë një video ku shfaqen buqeta me lule dhe dhurata.
Megjithatë, ajo që tërhoqi më shumë vëmendjen ishte një video ku Heidi tregon një unazë në gishtin e fejesës, ndërsa mban dorën e partnerit të saj, aktorit Romeo Veshaj, dhe shkruan: “Të Dua”. Kjo ka ngritur menjëherë spekulimet nëse surpriza e madhe e ditëlindjes ishte fejesa e çiftit.
Pas përfundimit të edicionit të tretë të “Big Brother VIP”, Heidi dhe Romeo kanë vazhduar romancën e tyre jashtë shtëpisë së famshme, dhe duket se marrëdhënia e tyre po shkon drejt një faze të re. Ndërkohë, Heidi duket se është shkëputur nga Italia për të qëndruar në Shqipëri, megjithëse ende nuk dihet nëse ajo ka plane për projekte televizive në vend, apo të ardhmen e saj e sheh në Itali, ku është rritur.
Fansat e çiftit janë në pritje të ndonjë konfirmimi zyrtar për hapat e tyre të ardhshëm, por për momentin, ky moment romantik ka ndezur spekulime të mëdha dhe emocion te ndjekësit e tyre.
