Autobusët elektrikë janë një tjetër premtim i harruar prej kryebashkiakut të Tiranës. Në kryeqytet jo vetëm që vazhdojnë të shkaktojnë ndotje alarmante, por dhe rregullat për parandalimin e koronavirusit janë një mision i pamundur.
“Ne do të duhet ti përgjigjemi sfidës për vendosjen e një rrjeti të karikuesve jo vetëm për autobusët, por edhe makinat elektrike. Ajo që po bëjmë në Tiranë është në fakt edhe ajo që po ndodhte dje në Paris.”
Kryebashkiaku i Tiranës, Erion Veliaj, premtoi në 26 tetor 2017 se do të transformonte transportin publik urban nga ai tradicional në elektrik.
Përveç premtimit të pambajtur nga zoti Veliaj për realizimin e transportit elektrik në Tiranë, një problematikë që haset çdo ditë në transportin publik në kryeqytet është dhe grumbullimi i njerëzve që bie ndesh me rregullat e distancimit social për shkak të pandemisë.
“Frikë kam, po mbaj maska.”
“Mëngjesi është shumë keq.”
Mesa duket premtimet e zotit Veliaj nuk janë gjë tjetër veçse fjalë boshe, ndërsa fotot që ai reklamon në rrjetet sociale lidhur me transportin publik urban në Tiranë nuk janë gjë tjetër veçse propagandë.
