Pas teaser trailer të publikuar në fillim të këtij viti, HBO ka publikuar online trailer-in e plotë të sezonit të 6-të të serialit Game of Thrones.
Bazuar në serinë e librave “A Song of Ice and Fire” të George R.R. Martin, seriali hit fitues i çmimit Emmy rrëfen një luftë epike për pushtet në një mbretëri të madhe dhe të dhunshme. Cast-i i sezonit të pestë ku bën pjesë edhe fituesi i Emmy-t dhe Golden Globe Peter Dinklage, përfshin aktorët e tjerë Nikolaj Coster-Waldau, Lena Headey, Emilia Clarke, Aidan Gillen, Kit Harington, Diana Rigg, Natalie Dormer, Maisie Williams dhe Sophie Turner, si edhe guest star-in e sezonit të gjashtë Ian McShane.
Në rolin e producentëve ekzekutiv janë David Benioff, D.B. Weiss, Carolyn Strauss, Frank Doelger dhe Bernadette Caulfield, ndërsa bashkë producentë janë Guymon Casady, Vince Gerardis dhe George R.R. Martin.
Sezoni i 6-të i Game of Thrones do të debutojë në HBO të dielën, 24 prill 2016.
