Edhe pse sezoni i shtatë i serialit Game of Thrones nuk ka mbaruar ende, nuk është asnjë herë herët të hedhim sytë drejt të ardhmes. Ja çfarë duhet të presin gjatë sezonit të tetë të tij.
KY ËSHTË SEZONI I FUNIDT
Gjatë qershorit të vitit 2016, presidenti i programacionit të HBO Casey Bloys deklaroi se sezoni i 8-të i Game of Thrones do të ishte dhe i fundit. “Producentët kanë një ide shumë të qartë për numrin e sezoneve që do të bëjnë,” tha ai gjatë një deklarate për mediat. “Po të ishte për mua, do t’u kërkoja të bëheshin edhe 10 sezone më shumë. Por ne u besojmë atyre dhe aftësive të tyre për të bërë më të mirën për serialin.”
DO TË KETË VETËM 6 EPISODE
Në fund të sezonit të 6-të, producentët David Benioff dhe D. B. Weiss deklaruan për Variety se për të kishin mbetur edhe 13 episode për të përfunduar, që nënkuptonte, 7 episode për sezonin 7 dhe 6 për sezonin 8.
EPISODET DO TË JENË MË TË GJATË
Edhe pse numri i episodeve është zvogëluar, koha e transmetimit nuk do të ndikohet nga ky fakt. Ndërkohë që episodet, zakonisht, kanë qenë të gjata rreth 60 minuta, ato të sezonit 8 do të jenë 80 minuta ose më shumë, sipas redaktorit të zërit të Game of Thrones, Paula Fairfield. Por akoma nuk kemi një diskutim zyrtar të ekipit përsa i përket gjatësisë kohore të episodeve. “Dy orë për episod duket shumë agresive, por Game of Thrones është një serial fantastik, prandaj, kush e di se ç’na pret?” tha Casey Bloys i HBO.
NUK KA AKOMA NJË DATË PËR FILLIMIN E SEZONIT
Ashtu si sezoni aktual, sezoni i tetë mund të transmetohet më vonë se zakonisht. Edhe pse producentët shpresojnë të transmetojnë gjatë vitit të ardhshëm, premiera mund të shtyhet edhe për në vitin 2019, duke qenë se regjistrimet nuk kanë filluar ende.
TEKSTI I EPISODEVE ËSHTË TASHMË I SHKRUAR
Episodet e fundit të Game of Thrones janë shkruar tashmë, konfirmoi Bloys gjatë një turi mediatik në Korrik të vitit 2017. Asnjë fjalë nuk ka dalë deri tani rreth përmbajtjes së tyre, dhe me shumë gjasa kështu do të vazhdojë deri në momentin që do e shohim serialin në ekranet tona.
XHIRIMET DO TË FILLOJNË NË TETOR 2017
Nikolaj Coster-Waldau (Jaime Lannister) duket se ka dhënë një të dhënë përsa i përket fillimit të xhirimeve të sezonit të 8-të në një intervistë të kohëve të fundit. “Nuk e di se çfarë do të ndodhë në sezonin e radhës” – tha ai për Collider. “Ne rifillojmë në Tetor, kështu që, gjatë javëve në vijim mund të marrim dhe skenarin dhe aty do të shohim se çfarë do të ndodhë.”
CERSEI MUND TË MARRË PJESË
Në një intervistë, Lena Headey zbuloi se karakteri i saj, Cersei Lannister, arrin t’ia dalë deri në fund të sezonit të 7-të. “Unë (besoj) oh, unë do të vdes,” tha ajo për Time, duke kujtuar atë që është shkruar në skenar. “Dhe më pas, vajta në fund të tij. Isha e befasuar. Besoj se në fund të sezonit të 8-të do të ketë të reja.” Kjo shprehje i bëri disa fansa të besojnë se kjo tregon se Lannister arrin të marrë pjesë edhe në sezonin e tetë të serialit.
KABINA TË MISTERSHME JANË SHFAQUR NË VEND XHIRIM
Fansat kanë parë disa kabina në Titanic Studios në Belfast, ku kasti i Game of Thrones xhiron zakonisht. Janë tre struktura që janë parë – dy me madhësi sa kabina e fotos më poshtë, dhe një tjetër me e madhe. Nuk ka akoma asnjë konfirmim se për çfarë do të përdoren këto struktura, por ka mundësi të kenë lidhje me Dotrhaki-n.
PËRFUNDIME TË NDRYSHME DO TË XHIROHEN
Presidenti i programacionit të HBO-së, Caseu Bloys tregoi se skuadra e Game of Thrones do të xhirojë disa përfundime të ndryshme për episodin final që të sigurohet së asnjë e dhënë nuk do të dalë gjatë produksionit. Kjo taktikë kërkon të tërheqë edhe më shumë gazetarët për të kapur situata nga skenat e filmuara. Ajo gjithashtu siguron që as aktorët nuk do të dinë përfundimin real të përzgjedhur për serialin deri në ditën që do të transmetohet në ekran.
DY ROLE TË REJA DO TË KRIJOHEN
Përpara fillimit të produksionit, disa lajme dolën se kasti i Game of Thrones por kërkonte të krijonte dy role fëmijësh për sezonin final. I pari është për një “vajzë veriore” rreth moshës 8 vjeçare, dhe i dyti për një djalosh të varfër rreth të njëjtës moshë, ose disa vite më të madh. Aktorët e përzgjedhur për këto role do të fillojnë xhirimet në Nëntor.
