FOX ka njoftuar këtë mëngjes disa të reja lidhur me serialet më të dashura për publikun e tij.
– Renewals: FOX ka vendosur të rinovojë Scream Queens (sezoni 2) dhe Empire (sezoni 3). Siç dihet, sezoni 2 i serialit te Ryan Murphy Scream Queens do të zhvillohet në një spital, “ku disa prej rasteve mjekësore më interesante dhe të çuditshëm janë nën vëzhgim”, raporton Fox. Cast-i i aktorëve nuk është njoftuar ende.
– Prison Break revival: FOX do të rikthejë në ekran Prison Break. Yjet e serialit origjinal Wentworth Miller dhe Dominic Purcell do të rikthehen respektivisht në rolet e Michael Scofield dhe Lincoln Burrows. Gjithashtu skuadra e produksionit përfshirë krijuesin Paul T. Scheuring, Neal Moritz, Marty Adelstein dhe Dawn Olmstead do të jenë producentët ekzekutiv të serialit të ri, me Scheuring si showrunner/writer.
Ende nuk ka një datë të premierës apo një numër zyrtar të episodeve.
– 24 spinoff: Fox ka lajmëruar se një sezon i ri, me titull 24: Legacy, është në produksion. Jack Bauer do të mungojë këtij sezoni, që do të përbëhet nga një cast krejtësisht i ri. Historia do të fokusohet në një hero të luftës që kthehet në U.S. dhe përballet me problemet që vazhdojnë ta ndjekin nga e shkuara e tij. Ai do të kërkoj ndihmën e CTU për t’i shpëtuar jetën dhe për të shmangur një sulm të mundshëm terrorist në Amerikë.
