Një ndër emisionet më të ndjekur të ekranit të Agon Channel është emisionin rinor AgonLand, në fokus të të cilit janë jo vetëm arti, lajmet më të reja nga bota e showbiz-it,por edhe promovimi dhe percjellja e eventeve më të bukra të organizuara në Shqipëri dhe në shumë vende të tjera jashtë saj.
AgonLand si çdo vere i le vendin edicionit special SummerLand, emisioni i cili na informon për eventet e momentit, plazhet, club-et dhe vendet më të veçanta ku mund të kalohet sezoni i nxehtë veror nëpërmjet reporterëve në terren dhe njëkohësisht fytyrave më të njohura të Agon Channel.
Mbrëmjen e ditës së enjte, SummerLand organizoi festën e hapjes së këtij sezoni veror dhe nisi rrugën e nxehtë për të sjellë te publiku çdo gjë të bukur që ndodhë në stinën e verës. Festa ishte e organizuar në çdo detaj, në kujdesinë e Romina Rudës duke pritur në ashtu siç duhej të gjithë të ftuarit. Mbrëmja nisi me yllin e ekranit të Agon Channel, Roza Lati e cila bëri hapjen e më pas me Endrik Beban në banak dhe si gjithmonë ëmbëlsira për në fund ishte Romina. Figurat publike nuk munguan as në këtë festë të madhe si: Amos Zaharia, Laert Vasili, Ermal Peçi, Ajsi Xhaxhaj, Endrik Beba, Arjon Muça dhe imazhe të tjerë të Agon Channel si edhe figura të tjera publike. Festa ka qënë tepër e bukur sa dhe shumë të ftuar kanë perfunduar në pishinë duke u freskuar nga atmosfera tepër e nxehtë që ishte krijuar.
Më poshtë do gjeni foto nga atmosfera e festës dhe personazheve që morën pjesë realizuar nga fotografi i talentuar Erjon Braja ekskluzivisht për InfoMedia Albania.
IMA / G. Qerimi
