ADVERTISEMENT
Radio Televizioni Shqiptar njofton hapjen e thirrjes për të gjithë krijuesit dhe interpretuesit e muzikës që dëshirojnë të marrin pjesë në edicionin e 63-të të Festivalit të Këngës. Artistët janë të ftuar të dërgojnë krijimet e tyre në adresën zyrtare të emailit festivali63@rtsh.al, në datat 27, 28 dhe 29 Shtator.
ADVERTISEMENT
Udhëzimet për aplikim:
- Kënga e plotë në formatin mp3
- Orkestralen bashkë me zëra shoqërues në formatin mp3
- Tekstin (poezinë) e këngës në formatin word
- Minutazhi i këngës konkurruese nuk duhet të kalojë 4 minuta
- Emrat e autorëve të këngës konkurruese (kompozitori, poeti, orkestruesi, producenti realizues dhe studio realizuese) të përfshihen
- Fotografi të artistit apo grupit performues nëse është hera e parë që marrin pjesë në festivalin e RTSH-së
- Numër kontakti dhe email për komunikim direkt me stafin e festivalit
Kriteret:
- Autorët e këngës duhet të jenë shqiptarë
- Kompozitori lejohet të prezantojë vetëm një këngë
- Artisti performues (këngëtari) duhet të ketë mbushur moshën 16 vjeç
- Krijimet duhet të jenë të reja dhe të pa publikuara më parë në asnjë formë
Procesi i aplikimit:
Pas dërgimit të emailit me materialet e kërkuara, artistët pjesëmarrës do të marrin një konfirmim për dorëzimin me sukses të materialeve konkurruese.
