Për disa kohë Fifi dhe ish-konkurenti i “Për’puthen” Fation Kuqari, u përfolën se janë në një lidhje, kjo nisur edhe nga deklaratat e këngëtares në rrjet. Megjithatë teksa fansat e tyre dhe mediat “fantazonin” për një histori mes të dyve ishte vetë Fifi që i hodhi poshtë hamendësimet, ndërsa mësuam se në fakt ata kishin një gjë tjetër në mendje për të realizuar bashkë.
Fationi do të jetë protagonisti i videoklipit të ri të artistes dhe mesa duket ata kanë nisur nga puna pa humbur kohë. Këtë e themi pasi Kuqari ka publikuar një foto në Instagram-in e tij, ku duket pikërisht Fifi, ndonëse jo ashtu siç prisnim.
Këngëtarja gjendet e shtruar në krevatin e një spitali, me shumë gjasë duke xhiruar një nga skenat e klipit. Kjo mund të jetë edhe tregues se si do të jetë kënga e radhës e Fifit, me siguri një histori dashurie tragjike.
E vetmja gjë që na mbetet tani është të presim dhe të shohim surprizën e Fifit dhe Fationit.
