mma Stone mesa duket është martuar me partnerin e saj, Dave McCary, 9 muaj pasi fejesa e tyre u konfirmua. Çifti raportohet se i ka dhënë fund beqarisë në një ceremoni sekrete sipas “PageSix”, lajm që është dhënë nga një burim pranë çiftit.
Emma, 31 vjeç dhe Dave, 35 vjeç, kishin planifikuar që të martoheshin që në mars, megjithatë e shtyen ceremoninë nga pandemia e koronavirusit. Në fakt fansat e tyre kishin dyshuar që një gjë e tillë kishte ndodhur, nisur nga unazat e floririt që mbanin në dorën e tyre të majtë, teksa u fotografuan në publik.
Po ashtu thashethemet për një martesë të mundshme qarkuluan edhe në maj, kur Emma u shfaq gjatë një interviste dhe sërish ju pa në dorën e majtë unaza.
Aktorja e “La La Land” dhe partneri i saj u fejuan në dhjetorin e kaluar. Ata u takuan kur Emma ishte host në një episod të “Saturday Night Live” në 2016-ën, megjithatë vetëm në tetorin e 2018-ës nisën të dilnin bashkë.
