Ellen Page – njohur më parë si aktore – deklaroi se është trans dhe emri i tij është Elliot.
“Ndihem me fat që po shkruaj këtë. Që jam këtu. Që kam arritur në këtë moment të jetës sime,” shkroi Elliot. “Ndiej mirënjohje të jashtëzakonshme për njerëzit e pabesueshëm që më kanë mbështetur gjatë këtij udhëtimi. Nuk mund ta përshkruaj sa e mrekullueshme është që më në fund të dua veten time,” – shkroi në Instagram.
Page pranoi se ka pasur frikë për të dalë si trans duke marrë parasysh urrejtjen, talljet dhe dhunën ndaj njerëzve si ai.
Ellen Page deklaron se është trans: ‘Emri im është
“Më pëlqen që jam trans. Më pëlqen që jam queer. Dhe sa më shumë e mbaj afër veten dhe përqafoj plotësisht atë çfarë jam, aq më shumë ëndërroj dhe aq më shumë rritet zemra ime dhe aq më shumë unë lulëzoj.”
Ndër të tjera, Elliot kërkoi durim, sepse udhëtimi është real, por delikat dhe i brishtë. Në përfundim të letrës, shkroi:
“Për të gjithë njerëzit trans që përballen me ngacmin, urrejtje ndaj vetes, abuzim dhe kërcënim me dhunë çdo ditë: Unë ju shoh, ju dua dhe do të bëj gjithçka për ta ndryshuar këtë botë për mirë.”
Në shkurt të vitit 2014, Elliot (asokohe Ellen Page) deklaroi se është gay. Që prej vitit 2018 është i martuar me koreografen kanadeze Emma Portner.
