Anjeza Maja, moderatore e shumë emisioneve dhe spektakleve shqiptare, me një karrierë të pasur televizive së fundmi po shfaqet në ekranin e Top Channel me një nga emisionet më të ndjekur të sezonit. Ajo është tashmë është akomoduar më së miri “Në Shtëpinë Tonë”. Emisioni që e ka bërë edhe më të dashur Anjezën për publikun edhe e ka afruar atë më shumë tek telespektatori. Në një rrëfim ekskluziv për InfoMedia Albania ajo na ka treguar se si është të jesh zonjë e shtëpisë së madhe të shqiptarëve dhe disa sekrete nga përditshëmria e saj.
https://www.youtube.com/watch?v=6BDy3fzm3dk
Anjeza si ndiheni në shtëpinë e të gjithë shqiptarëve?
Ku ka më mirë… Ndihem vërtet shumë komode, uroj që dhe publiku të ndihet mirë në shoqërinë time, meqë me ka hapur dyert.
“Në Shtëpinë Tonë”, ka një zonje si ty që fton dhe përciell mysafirët e saj. Si ndiheni që ju është besuar ky rol pikërisht juve?
Ndihem shumë mirë, është kënaqësi të jesh mikpritëse aq më tepër në një ekran si Top Channel, që ka dashurinë e shqiptarëve.
Mbas eksperiencave të ndryshme në ekran, a është ky formati që ju kishte munguar në karrierën tuaj?
Është një nga formatet më të dashur e popullor që kam bërë, madje është ai format që kam dashur të bëj gjithmonë.
Si ndihet Anjeza në krahë të Albanit duke moderuar një ndër emisionet më të shikuara shqiptare, siç është “Në Shtëpinë Tonë”?
Me Albanin ndihem shumë e kompletuar në këtë format, i cili prek çdo familje e çdo person. Më vjen mirë që e kam krah në emision pasi i jep një tjetër ajër dhe këndvështrim, pasi edhe meshkujt kanë një kontribut të vyer në të përditëshmen tonë.
A je vendosur ndonjëherë në vështirësi gjatë trasmetimit ose e ke parë veten që dicka nuk po shkonte ashtu siç duhet?
Pak fare, sidomos në kuzhinë kur gatuajnë kuzhinierë të rinj që kanë emocione përpara kameras, megjithatë ka dhe të bukurën dhe natyralitetin e vetë edhe ajo pjesë pasi jemi njerëz dhe emocionet janë pjesë e jetës sonë.
A ka ditur të gatuaj Anjeza para se të merrte drejtimin e “Në Shtëpinë Tonë”?
Kam ditur të shijoj recetat e mamit dhe motrave por të gatuaj jo, tani po mësoj pak nga pak, por ama njoh mjaft mirë shijet dhe kombinimet.
Cilat janë ato cilësi që duhet të ketë një amvisë e mirë sipas jush për të realizuar pjatat e duhura në kuzhinë?
Ta bëjë me dashuri recetën, të gatuaj avash pa u nxituar dhe të krijojë larmi pa pasur nevojë të shoh receta online, të krijojë me ato ingredient që i gjenden në kuzhinë.
A ju ka ndihmuar emisioni dhe këshillat që jepen në jetën tuaj të përditëshme?
Më ka ndihmuar, madje kam filluar edhe unë të hulumtoj apo të përgatitem për çdo produkt ushqimor apo vlerë shqiptare për t’ja servirur publikut.
Cili është ushqimi i preferuar që nuk i reziston dot?
Llojet e mishrave dhe sallata.
Si arrini të mbani këto linja perfekte që keni?
Kujdesem të mos e kaloj masën me ushqimet, edhe kur e teproj të nesërmen mundohem të mbaj pak regjim me çajra të ndryshëm apo duke evituar bukën dhe mishin.
Sa ore në ditë kujdeset Anjeza për veten?
Çdo ditë një orë pasi më duhet të bëhem gati për emision. Kur jam pushim mundohem të relaksoj çdo pjesë të trupit me ndonjë masazh apo me një vaske të ngrohtë dhe esenca relaksi. Për veshjen mundohem të jem sportive kur nuk jam në punë, pasi në këtë periudhë jam e veshur dhe e grimuar çdo ditë pasi duhet të jem në formë për ekranin.
Si një ndër femrat më të bukura të ekranit, si i ka mardhëniet Anjeza me pasqyrën?
Herë të mirë e herë të keqe, por merremi vesh, japim dhe marrim nga njëra-tjetra. Jo çdo ditë e dua atë…
Për sa i përket jetës suaj private ajo është shumë hermetike dhe e pa ekspozuar në publik. A ka ndonjë të re në jetën e Anjeza Majas?
Për momentin jo, tani jam e përkushtuar tek emisioni.
Çfarë do i ofrojë shikuesve në emisionet në vijim “Në Shtëpinë Tonë”?
Kemi festat përpara, kemi zgjedhur disa tema që janë vërtetë me interes për publikun, do trajtohen raste suksesi apo edhe atmosferë si asnjëherë më parë në një emision mesdite.
Një mesazh për të gjithë ndjekësit e InfoMedia Albania dhe lexuesit e kësaj intervistë?
Më vjen mirë që jeni një media e dashur me ne të cilët jemi pjesë e televizionit dhe nga ato media të cilat lajmin e konfirmon në disa burime. Lexuesit meritojnë informim të saktë, ndaj dhe unë i bashkohem lexuesve tuaj të përditshëm. I përshëndes dhe uroj që në këtë Dhjetor të jenë të mbushur plot me lumturi si pema e Krishtlindjeve!
EKSKLUZIVE InfoMedia Albania / Intervistoi G. Qerimi
Nuk lejohet publikimi dhe riprodhimi i këtij materiali pa autorizim.
