Këngëtari i famshëm Ed Sheeran do të jetë pjesë e serialit të rekordeve Game of Thrones.
Lajmin e kanë bërë të ditur David Benioff dhe DB Weiss, të dy showrunner-ët e serialit fantasy, pasi kanë zbuluar se Maisie Williams, aktorja që interpreton Arya Stark, është një fanse e zjarrtë e këngëtarit. Prej vitesh David Benioff dhe DB Weiss janë përpjekur të bindin këngëtarin të jetë pjesë e serialit, por pa arritur rezultat. Sheeran ka pranuar më në fund ti bashkohet listës së yjeve të muzikës që janë shfaqur në serialin GoT, si Gary Lightbody i Snow Patrol apo grupi islandez Of Monsters and Men.
Mbetet ende i pa zbuluar roli që do të interpretojë Sheeran, edhe pse u la të kuptohej se mund të shfaqet në një nga skenat me protagoniste aktoren Williams.
HBO ka konfirmuar datën e premierës së sezonit të shtatë pak ditë më parë me një teaser trailer që emocionoi fansat në një transmetim live vdeo në facebook, ku në fund shfaqej data 16 korrik 2017. Sezoni i shtatë, ashtu sikur sezoni paraardhës, do të jetë një kombinim historishë origjinale dhe ngjarjesh të frymëzuara nga romanet e George R.R. Martin.
