Gazetarja e njohur nga Shkodra, Anila Dushi ka humbur jetën si pasojë e Covid-19.
Gazetarja prej disa ditësh ishte e infektuar me koronavirus. Ajo nuk ka arritur ta fitojë betejën me virusi, duke u ndarë nga jeta në moshën 54-vjeçare.
Lajmin e hidhur e ka bërë me dije gazetari Ardi Hoti me anë të një njoftimi në postimi në rrjetet sociale.
“Covidi na mori nje nga gazetaret qe pervec nje kolege e mike e mire u kthye ne nje “nene” te dyte me keshillat qe i jepte cdo kolegu gazetare .Pothuajse i gjithe brezi i ri gazetareve ne Shkoder u rrit ne kompjuterin Tend .Ne ate kompjuter gjenden fotot e gazetareve qe kur ishin “femije” e derisa u bene me femije.E veshtire per kedo ti thot lamtumire Anila Dushit” shkruan ai në postimin e tij.
Kujtojmë që vetë gazetarja pak ditë më parë shprehej në një postim se virusi ishte një “tmerr”.
“Kam besuar që në fillim se Covid-19 është një luftë botërore. Kam dëgjuar mjaft nga ata që e kanë kaluar. Por qenka një tmerr,” shkruante ajo më 4 prill në Facebook.
Dushi është një gazetare e njohur në Shkodër, por edhe në Shqipëri, me një karrierë të pasur, ku ka punuar në mediat lokale dhe kombëtare.
