Netflix dhe Marvel kanë zbuluar Pjesën e 1-rë të trailer-it të sezonit të dytë të serialit të shumëpritur Daredevil! Sikurse ju kemi zbuluar javë më parë premiera do të jetë në datë 25 Shkurt në platformën Netflix, e cila tashmë është e aksesueshme edhe nga Shqipëria.
Atëherë kur Matt mendon se ka arritur të vendos rregull në qytet, armiq të rinj kanë bërë hyrje në Hell’s Kitchen. Tani njeriu qe nuk e njeh me friken do të përballet me armikun e tij me të ri Frank Castle dhe do të përballet edhe me nje dashuri të vjetër – Elektra Natchios.
Problemet e mëdha do të fillojnë kur Frank Castle, një njeri në kërkim të hakmarrjes, është rilindur si The Punisher, një njeri i cili merr drejtësinë në duart e tij në lagjen e Matt. Ndërkohë, Matt duhet të balancojë detyrën në komunitetin e tij si një avokat dhe jetën e tij të rrezikshme si Djalli i Hell’s Kitchen, një zgjedhje me të cilën do të përballet për të kuptuar se çfarë do të thotë të jetë një hero.
Sezoni i dytë i Daredevil do të risjellë në ekran Charlie Cox si Matt Murdock, Deborah Ann Woll si Karen Page, Elden Henson si Foggy Nelson, Scott Glenn si Stick dhe Rosario Dawson si Claire Temple. Gjithashtu, në sezonin e ri do të kemi debutimin e Jon Bernthal në rolin e Frank Castle (aka The Punisher) dhe Elodie Yung, në rolin e Elektra Natchios.
Daredevil ka si producent ekzekutiv Doug Petrie, Marco Ramirez dhe Drew Goddard, si edhe Jeph Loeb e Marvel TV. Seriali është një produksion i Marvel Television në bashkëpunim me ABC Studios.
