Një produksion britanik në të cilin merr pjesë si bashkëproducent dhe Besnik Krapi do të vijë së shpejti në kinema dhe premton të jetë një prodhim fantastik. Jo vetëm producenti dhe vendxhirimi në Kosovë, por dhe aktorët janë padyshim special.
Capital T do të ketë një rol në filmin e titulluar “Jericho Ridge”. Si një film i zhanerit thriller, jemi vërtetë kuriozë të shohim performacën e rreperit.
Ndërkohë, Nikki Amuka-Bird së bashku me Dakota Johnson, do të jenë protagoniste.
I vendosur në një qytet të largët malor në shtetin e Uashingtonit të Veriut – një qytet i shkatërruar nga papunësia dhe varësia nga droga – Jericho Ridge tregon historinë e deputetes së vetmuar, Tabby, dhe betejën e saj dërrmuese për të mbijetuar dhe për të shpëtuar djalin e saj nga kthetrat e një vrasësi në kartelin e drogës.
“Më pëlqeu ky personazh që nga momenti që lexova skenarin,” tha Amuka-Bird. “Tabby është një grua e fuqishme dhe e ndershme pa kompromis – mbi të gjitha ajo është një nënë e gatshme të bëjë gjithçka që duhet për të mbrojtur djalin e saj. Është një nder të luaj këtë rol kryesor sfidues dhe kompleks dhe jam shumë e emocionuar që filloj të xhiroj përkrah një ekipi kaq të talentuar.”
