Formati kulinar me personazhe vip në konkurim “Blind Taste” do të mbyll sonte në orën 19.45 edicionin e tij të parë në Vizion Plus.
Patenta ndërkombetare e Global Agency u ble për Shqipërinë nga Tring dhe Vizion Plus dhe filloi transmetimin në datë 18 prill 2015.
Formati i moderuar nga aktori Florian Agalliu, solli në ekranin e Vizion Plus personazhe Vip nga fusha të ndryshme për tu përballur me njëri-tjetrin në një disiplinë të përbashkët, atë të gatimit për të vlerësuar më pas recetat e përgatitura vetëm me anë të shqisës së nuhatjes. Por nuk ka munguar edhe gjykimi i Armando Kikino, kuzhinierit profesionist që ka shoqëruar udhëtimin disa javor të këtij formati.
Sonte në Vizion Plus do të kemi mundësi të zbulojmë edhe fituesin e edicionit të parë të Blind Taste Albania midis 4 finalistëve:
Zamira Kita
Zamira Kita u lind në Korçë më 2 prill 1963. Ka mbaruar Akademinë e Arteve të Bukura në vitin 1985. Që nga ky vit ka debutuar si aktore pranë teatrit “A,Z. Çajupi”. Në fillim pranë trupës së estradës dhe më pas ka realizuar role në komedi dhe dramë. Janë të shumta bashkëpunimet me TVSH-në në koncerte e spektakle, kryesisht ato të Vitit të Ri. Në vitin 1997 ajo merr çmimin “Aktorja më e mirë” në festivalin mbarëkombëtar të teatrit të zhvilluar në Tiranë. Por në politikë humoristja do të futet pasi të realizoj një ëndërr të sajën, ngritjen e një shtëpie të re. Një nga aktoret që mundohet të mbajë gjallë humorin në qytetin e Korçës është Zamira Kita.
Esmeralda Metka
Esmeralda Metka është aktore e mirënjohur dhe e dashur për publikun shqiptar. Ajo ka marr pjesë në shumë filma në kinemnë shqiptare, dhe është duke interpretuar një rol të shumë pëlqyer nga publiku në show-n më të bukur të momentit “Grand Hotel 2XL”.
Isida Mollaymeri
Balerina e njohur Isida Mollaymeri është një nga talentet e skenës shqiptare. Isida është balerinë në Teatrin e Operas dhe Baletit, po ashtu ka qënë një prej balerinave protagoniste për disa vite rresht tek programi “Dancing With The Stars” në Vizion Plus.
Laert Vasili
Laert Vasili është aktor, regjisor dhe përkthyes. Ka lindur në Delivinë më 7 Mars 1974. Studioi tek Akademia e Arteve në Tiranë. U diplomua në Akademinë e Artit Dramatik në Teatrin Kombëtar Grek në Athinë 1997
