Rritet numri i emrave të personazheve që do të jenë pjesë e cast-it të edicionit të tretë të Dance with Me.
Pas Einxhel Shkira dhe Renato Mekollit një tjetër emër Vip është zbuluar ditën e sotme. Bëhet fjalë për këngëtaren e re nga Kosova, Baby Gee, e cila ka marrë ftesën nga produksioni për të qenë një nga konkurentet e këtij edicioni të spektaklit të kërcimit në Tv Klan.
Edhe pse ka pak kohë që Baby Gee është pjesë industrisë muzikore shqiptare, muzika e saj është pëlqyer nga publiku pa anashkaluar bukurinë e saj fizike me format seksi dhe talentin në kërcim që e bëjnë atë një nga këngëtaret premtuese shqiptare. Falë këtyre karakteristikave ajo duket se është zgjedhja perfekte për formatin DWM.
Mësohet gjithashtu se këngëtarja do të ketë për partner në këtë kompeticion shefin e Masterchef Renato Mekolli, i cili do të ketë padyshim një aleate të fortë në këtë sfidë.
