Ndërsa pritet me padurim sezoni i gjashtë i American Horror Story, kur edhe do të zbulohen detajet lidhur me subjektin, historinë dhe personazhet, rrjeti FX ka dashur të ngacmojë kureshtjen e fansave duke publikuar video teaser-at e parë të sezonit të ri.
Promot e publikuara shfaqin imazhe të forta dhe drithëruese që shtojnë edhe më shumë emocionet dhe atmosferën e frikëshme që karakterizon serialin, i cili mbetet një nga produksionet më të ndjekura të viteve të fundit.
Deri tani Lady Gaga, Evan Peters, Kathy Bates, Angela Bassett, Denis O’Hare, Finn Wittrock, Wes Bentley, Matt Bomer, Cheyenne Jackson dhe Leslie Jordan janë aktorët që kanë firmosur për t’u rikthyer në sezonin e gjashtë, i cili do të ketë premierën në 14 shtator 2016 në SHBA.
