Sot, radio më e gëzuar e kryeqytetit mbush 3 vjet nga fillimi i transmetimit në 4 shtator 2011.
Me rastin e tre vjetorit Triangle Media Production do të realizojë sot një mbrëmje gala në Villa Padam, ku do të jenë të ftuar shumë personalitete të njohura të radios, televizionit dhe jo vetëm.
Ky tre vjetor shënon edhe lindjen e kanalit televiziv “City Tv”, që do të transmetojë ekskluzivisht në platformën Digitalb.
CITY RADIO ALBANIA është emitenti i rrjetit mbarëbotëror radiofonik “City Radio Networks”. Prezente 24h/7 me transmetimet e saj online (fillimisht eksperimentale) që prej Tetorit të vitit 2010. Nga 4 shtatori 2011 City Radio transmeton në frekuencën 88.0 FM, për qytetet e Tiranës dhe Durrësit, si dhe rrethinat e tyre. Gjithashtu, mund të dëgjohet online në website-in zyrtar dhe nëpërmjet platformës DIGITALB në të dyja rrjetet, Tokësor & Satelitor.
“Gëzoje Jetën…!” është edhe sllogani i CITY RADIO ALBANIA!
Stafi i Info Media Albania i uron City Radios gëzuar 3 vjetorin dhe sa më shume suksese në vazhdimësinë e saj.
