Imagjinoni një ditë pa televizion. Cila do të ishte gjëja e parë që do t’ju mungonte? Seriali i preferuar Lajmet, informacionet? Spektaklet apo ndeshjet e skuadres së zemres? Ndoshta. Por rëndësia e televizionit në shoqëri është akoma dhe më e thellë. Televizioni është një mjet që ka ndryshuar botën, ndez imagjinatën, ngjall kureshti, ndihmon në edukim dhe bashkon miliona njerëz në mendime të përbashkëta. Në 1996 OKB ka shpallur 21 Nëntorin si ‘Dita Botërore e Televizionit’, në njohje të fuqisë
së ketij mediumi, në nivel global, për të angazhuar publikun me çështje të mëdha që kanë të bëjnë me ta. Pikërisht sot tre organizata europiane trasmetuesish, ACT, egta dhe EBU, janë bashkuar në një sllogan “We Love TV” për të festuar ditën e Televizionit.
Për më shumë informacion vizitoni: http://www.worldtelevisionday.tv/
